Persónuverndarstefna

Ábyrgðaraðili

Sér Tækni ehf. ber ábyrgð á vinnslu persónuupplýsinga á vefnum. Spurningum og beiðnum um persónuvernd má beina til info@ser.is.

Nafn

Sér Tækni ehf.

Kennitala

470126-2210

Heimilisfang

Síðumúli 1, 108 Reykjavík

Netfang

info@ser.is

Sími

+354 790 0505

Hvaða upplýsingar við vinnum

Pantanir

Nafn, netfang, símanúmer, kennitala ef hún er gefin upp, heimilisfang eða afhendingarstaður, athugasemd með pöntun, vörur, upphæðir og staða greiðslu. Kortaupplýsingar fara beint til Straums og við fáum þær aldrei.

Aðgangur fyrirtækja

Kennitala og nafn fyrirtækis, nafn tengiliðar, netfang, símanúmer, starfssvið og skilaboð í umsókn, ásamt pöntunum og tilboðum fyrirtækisins.

Viðskiptatengsl (CRM)

Nöfn, netföng, símanúmer og hlutverk tengiliða hjá fyrirtækjum sem við eigum í viðskiptum eða samskiptum við, ásamt samskiptasögu, tilboðum og upplýsingum um hvort póstur hafi borist.

Innskráning

Netfang, innskráningarhlekkir og lotur. Hlekkir og lotur eru aðeins geymd sem tætigildi. Til að verjast misnotkun skráum við IP-tölu þegar beðið er um innskráningarhlekk.

Fyrirspurnir

Nafn, netfang, símanúmer og skilaboð sem þú sendir okkur.

Vefmælingar

Slóð síðunnar sem er skoðuð, vefurinn sem vísaði á hana, land, tegund tækis, stýrikerfi og vafri. Engar kökur eru notaðar og IP-tala er ekki geymd.

Kökur

Sjá kaflann um kökur hér að neðan.

Tilgangur og lagagrundvöllur

Pantanir og afhending

Að afgreiða og afhenda pantanir, taka við greiðslum og sinna kvörtunum. Vinnslan byggist á framkvæmd samnings.

Bókhald

Að færa bókhald og standa skil á sköttum. Vinnslan byggist á lagaskyldu samkvæmt lögum nr. 145/1994 um bókhald.

Aðgangur fyrirtækja og tilboð

Að stofna aðgang, veita reikningsviðskipti og gera tilboð. Vinnslan byggist á framkvæmd samnings eða ráðstöfunum að beiðni fyrirtækisins áður en samningur er gerður.

Viðskiptatengsl

Að halda utan um samskipti við fyrirtæki sem við eigum í viðskiptum við eða viljum eiga viðskipti við. Vinnslan byggist á lögmætum hagsmunum okkar af slíkum samskiptum.

Innskráning og öryggi

Að skrá notendur inn og verja vefinn gegn misnotkun. Vinnslan byggist á lögmætum hagsmunum af öruggum rekstri vefsins.

Fyrirspurnir

Að svara því sem þú sendir okkur. Vinnslan byggist á lögmætum hagsmunum eða ráðstöfunum að beiðni þinni.

Vefmælingar

Að sjá hve margir heimsækja hvern vef og hvaða síður eru skoðaðar svo við getum bætt vefina. Vinnslan byggist á lögmætum hagsmunum okkar af rekstri vefjanna.

Við seljum aldrei persónuupplýsingar og notum þær ekki til að birta auglýsingar.

Kökur og vafrageymsla

Vefurinn notar aðeins kökur sem eru nauðsynlegar til að hann virki. Við notum engar auglýsingakökur og biðjum því ekki um samþykki fyrir kökum.

Lotukaka (__Secure-st_session)

Heldur þér innskráðum á fyrirtækjasvæðinu á öllum vefjum Sér Tækni undir ser.is. Gildir í 14 daga frá síðustu notkun.

Körfukaka (__Secure-st_cart)

Geymir innkaupakörfuna á öllum vefjum Sér Tækni undir ser.is. Gildir í 30 daga.

Tungumálakaka (NEXT_LOCALE)

Geymir val á tungumáli, íslensku eða ensku.

Útlit

Val á ljósu eða dökku útliti er geymt í vafranum sjálfum (localStorage) og er aldrei sent til okkar.

Við teljum heimsóknir á hvern vef og hverja síðu með Vercel Web Analytics. Mælingin notar engar kökur og geymir ekkert í vafranum. IP-tala er ekki geymd og heimsóknir eru ekki raktar á milli daga. Við sjáum aðeins samtölur, til dæmis fjölda heimsókna, land og tegund tækis.

Vinnsluaðilar

Eftirfarandi þjónustuaðilar vinna upplýsingar fyrir okkur. Þeir fá aðeins það sem þarf til að veita þjónustuna.

Vercel

Hýsing vefsins og vefmælingar. Bandaríkin.

Neon

Gagnagrunnur vefsins. London, Bretlandi.

Resend

Sending tölvupósts. Bandaríkin.

Straumur

Greiðslumiðlun. Ísland.

Dropp

Afhending sendinga. Ísland.

Pósturinn

Afhending sendinga. Ísland.

Payday

Bókhald og reikningagerð. Ísland.

Þegar upplýsingar eru fluttar út fyrir Evrópska efnahagssvæðið byggist flutningurinn á ákvörðun framkvæmdastjórnar ESB um fullnægjandi vernd eða stöðluðum samningsskilmálum.

Varðveisla

Bókhaldsgögn

Pantanir, reikningar og greiðslur eru varðveitt í sjö ár frá lokum reikningsárs samkvæmt lögum nr. 145/1994 um bókhald.

Innkaupakörfur

Eytt eftir að þær renna út.

Innskráning

Innskráningarhlekkir gilda í 15 mínútur og lotur í 14 daga frá síðustu notkun.

Tengiliðir og fyrirspurnir

Varðveitt meðan viðskiptasamband varir eða þörf er á þeim. Við eyðum þeim eða leiðréttum ef þú óskar þess.

Réttindi þín

Þú átt rétt á að:

• fá aðgang að þeim persónuupplýsingum um þig sem við vinnum með og fá afrit af þeim;
• fá rangar upplýsingar leiðréttar;
• fá upplýsingum eytt nema okkur sé skylt að varðveita þær, til dæmis samkvæmt lögum um bókhald;
• andmæla vinnslu sem byggist á lögmætum hagsmunum og fá vinnslu takmarkaða;
• fá upplýsingar sem þú hefur látið okkur í té afhentar á tölvulesanlegu formi.

Sendu beiðni á info@ser.is. Við svörum innan mánaðar.

Kvörtun til Persónuverndar

Ef þú telur að vinnsla okkar brjóti gegn lögum getur þú kvartað til Persónuverndar, sem hefur eftirlit með framkvæmd laga nr. 90/2018. Upplýsingar eru á personuvernd.is. Við viljum þó gjarnan fá að reyna að leysa málið með þér fyrst.

Öryggi

Samskipti við vefinn eru dulkóðuð. Starfsfólk fær aðeins aðgang að þeim upplýsingum sem hlutverk þess krefst. Engin lykilorð eru notuð; innskráning fer fram með hlekk í tölvupósti.

Breytingar

Við uppfærum stefnuna þegar vinnslan breytist. Nýjasta útgáfan er alltaf á þessari síðu.